El cai cuntará con tres puntos de recarga eléctricos pa evitar les emisiones

El cai de Xixón tien tolos estudios preparaos pa qu’un inversor construya una gasinera de Gas Natural Licuao p’abastecer a los barcos.

Ye ún de los proyectos de futuru p’amenorgar emisiones, qu’inxerta tamién instalar tres puntos de recarga eléctrica de barcos.

Ún de los barcos que recala n’El Musel ta paráu pero ta contaminando. Ta produciendo la so enerxía. Enantes de 2030, el cai cuntará con tres puntos de recarga eléctricos pa evitar estes emisiones, esplica Ainhoa Puebla, directora de Subvenciones y Proyectos n’Autoridá Portuaria de Xixón.

La enerxía llegará de la rede xeneral pero nun futuru podría sumar les sos propies fontes anovables. Como eólicos o plaques solares nos techos de los edificios.

Un proyectu de futuru al que s’amiesta la posible instalación d’una gasinera de GNL, gas natural licuao, pa los barcos.

Gasinera que nun futuru podría inxertar hidróxenu. Agora’l cai trabaya en cómo inxerir esta futura nueva enerxía nes sos instalaciones.