Polos anos que un ten, pola experiencia acadada en 50 anos de vida laboral e, entre outros aspectos, polo aprendido do mundo sindical durante o franquismo e a democracia que, entre todos, finalmente logramos instalar entre todos en España, créame o lector que entendo a preocupación que se vai espandindo ás alancadas entre o sindicalismo e os propios traballadores porque uns e outros temen -e non pouco- unha involución que modifique para mal o actual status social que rexe en España.

Porque evitar o absentismo laboral, eliminar trabas nas empresas e que as compañías de 250 empregados teñan a regulación das de 50, evitar que os sindicalistas accedan á dirección de postos de traballo como a CNMV, ao Defensor do Pobo  ou do Banco de España -entre moitos outros, limitan os subsidios por desemprego e o intervencionismo do Estado nas empresas.

Son formulacións que inducen a pensar en que o novo PP que saia do  Congreso que esta fin de semana  celebra en IFEMA (Madrid) o Partido Popular de Núñez Feijoo e Miguel Tellado, modificará o status actual do traballador no caso de que o PP logre a presidencia do Goberno.

Os  sindicatos CC.OO e UGT, amosaron xa a súa preocupación ante a posibilidade de que se materializaran tales  medidas. Estas son consideradas polos sindicatos (en caso de que se levaran a cabo) “medidas antidemocráticas” e “retrocesos”. 

Os preto de catro mil compromisarios e convidados ao congreso do PP, so escoitarán mensaxes de unidade en torno ao presidente do partido.